تنزل اولنمامق اولى فهم اولنور . حضور شريف لرينه خفى دكلدر كه تاتار صبا رفتار سعادتلو پادشاه گردون وقار حضرت لرينك سائر عساكر نصرت مظاهر لرى عدادندن معدود و خانلرى نشاندهء دست اقتدار بهبود لرى اولوب . عساكر ظفر مآثر پادشاهى نه جانبده خدمته مأمور اولسه لرانلردخى خدمات مبروره ده بذل مقدور ايده كلمشلر در و خانان اسلاف فرمان خاندان رفيع البنيان پادشاه اسلام دن انحراف ايتميوب منحرف اولنلرى دخى نادم و پشيمان اولوب . جز الرين يولمشلر در اويله اولسه اول طايفه ايله افتخار وانلره استظهار اولنمديغى ظاهر و روشن درو بالجمله نامهء نامى لرنده درج بيوريلان سؤالك هربرينه جوابه تصدى اولنورسه مستلزم اطناب و اسهاب اولديغندن غيرى مؤدى نزاع لفظى و دور و تسلسلى مقتضى اولور . خلاصهء كلام بودر كه چون كه نامهء نامى لرنده درج بيورلديغى اوزره دولت پنج روزهء بىبقا ايچون طرفيندن عجزه و مساكين پايمال اولميوب صلح و صلاح اولنمسى اراده بيورلمشدر لاجرم حصول و تمشيتنه بر طريقله شروع و مباشرت و بروجهله مبادرت و همت اولنمق كركدر كه نتيجه بخش اولوب . بودولتخواه بىاشتباه دخى بوامرك اتمامنه بذل مقدور و صرف جد موفور ايلمكه مجال اوله سعادتلو و عظمت لو پادشاه مز حضرت لرينك جد امجدلرى مرحوم و مغفور له سلطان مراد خان عليه الرحمة و الرضوان زمان شريف لرنده فتح و تسخير اولنوب . بعده پدر بهشت آشيان جنت مكان لرى سلطان محمد خان حضرت - لرينك عصر باهر النصر لرندن كند و زمان شريف لرينه دك ضبط و تصرف اولنه كلان مملكت لر كه سابقا عساكر اسلام بالكليه انكروس جانبنده كفار خاكسار ايله مقاتله و محاربه اوزره ايكن اول جانب لر خالى اولمغله على حين غفلة من اهلها دسترس اولنمشيدى فراغ اولنمق ممكن دكلدر نقض عهده سالك اولان كفار انكروسك لرندن بفضل اللّه الملك المستعان مغصوب اولان قلاع و بقاع كما كان النوب فتح و تسخير اولنديغندن غيرى اكرى و قنيژه ولايت لريكه سواد اعظم ممالك كفاردن عداولنور قبضهء تصرف پادشاهى يه داخل اولوب دخى نيجه قلعه لروپلانقه لرى اولنمشدر . بالاخره ايتدكلرى فساده نادم اولوب . حبل متين صلح و استيمانه تشبث ايتمينجه و گذشته